وقلت ارسم سواد الليل في سبورة ...
تنبّت جوة بطن اليأس ضحكاية...صغيورة
وتخنق بعبع الاحزان ف قمقمها
تولع ثورة الافراح
ومن تاني .. يقوم قومها
الأحد، سبتمبر 27، 2009
رسم
الخميس، سبتمبر 17، 2009
وبهية تنتظر الولد
لساك بتحلم بالبلد
لساك بتزرع بالخطاوي
فوق حَسَك
لساك بتبدر شمس بكرة
ف جيش ظلام مالهووش عدد
لساك بتحلم بالسنابل طارحة قمح
ما تفوق بقى !!
دا الحلم ضعفه بينهشك ...
ومفيش مدد
روحك المجروحه بارت
كل طعم الأرض ملح
كل الامال العاليه فيك
صابها الهدد
وبهية تنزفها دموع الآه
ولساها
بطلعة كل صبح
بتنتظر..
ييجي الولد
الاشتراك في:
الرسائل (Atom)