الأحد، يونيو 28، 2009

ما أجمل الصباح في بلادنا

ما أجمل الصباح في بلادنا

في صوت عصفور شجي

في قلب فلاح نقي

في لهو أطفالٍ صغارٍ بالطريق

ووجوهم مثل القمر

ترنو لهم شمس الشروق وتبتسم

تلهو بأعينهم فيرتاح البصر

تجري بشعر صغيرتي

يتطاير الذهب النضار وينتثر

الشمس تشتاق السفر

ما بين أحضان الطفولة تختبئ

ما بين جد والهزر

الشمس طفلتنا الصغيرة دائما

الشمس والسحب البريئة والزهَر





الخميس، يونيو 18، 2009

يادموعي


يا دموعي ليه بتجري ع الخدود

ليه بيحرقنا السكات وقت الكلام

ليه بيقتلنا البعاد... ولّا ايه يجدي الملام

حتى وقت الفرحة تجري فوق خدودي جري سيل

زي ما تكون السعادة بيتلضم جواها ويل

ليه باخاف الفرحة ممكن تتسرق أو تتخطف

ليه ايدينا فوق قلوبنا لو ضحكنا يوم كتير

حد منا بكلمة منه الضحكة تغرق تتوقف

ونقول بحسرة تودع الضحكة اللي صافية : انشالله خير

والدموع صنوف صنوف

عدها يوصل ألوف

دمعة تجري يوم ما تلقى الأخ بيعذب أخوه

دمعةتجري ع الطفل اللي عن أهله بيفرقوه

دمعة ع الأب اللي بيسافر هناك

دمعة رابعة كل ليلة مع القمر مستنياك

دمعة سخنة ع اللي روحه بتتنزع

دمعة قبل الفجر يمكن تترفع

دمع قلب بيتحرق لجل الذنوب

دمعة تجري ع الخدود ساعة تتوب

يمكن جزاتها جنة الرحمن... ويسترها العيوب

بس مين في الناس بيرضى يقتنع

دمعة حايرة عايزة تنزل بس لازم تتمنع

دمعة المبدأ بيدّاس بالرجول

الحس الذل بلسانك ...مش زمانك

الزمن زمن العجول

دمعة للناس الغلابة.... اللي تنهشها الديابة

دمعة للي يموت فطيس

تحت صخرة في الدويقة

قصور ثقافة مع الحريقة

ولا عبّارة السلام..والناس حرام بتموت غريقة

دمعة طعم القهر والذل اللي فينا

دمعة للعجز اللي عمره ما يدارينا

دمعة مش قادر أغيّر حتى نفسي

دمعة تايهة زي مركب عمرها ما ف يوم هاترسي

دمعة سخنة على الحقايق لما باشا يدوس عليها

دمعة لما بنت البيه تيجي وتشخط والشناب بتبوس ايديها

دمعة جفت ...عينها نشفت م الدموع

دمعة تبكي ع اللي يبكي ع الرجوع

دمعة تسأل ع الأمان

ودمعة حلوة

بس ماتت

أيوة ماتت من زمان

مش باقي عندي غيرها دمعة

دمعة تحكي ع اللي كان

ع اللي رافق واللي وافق واللي نافق

واللي خان